ХХХ-шы облыстық «Жайық-Урал» туристік-экологиялық экспедициясы
25 маусым күні Бөрлі ауданы Жарсуат ауылында ХХХ-шы облыстық «Жайық-Урал» туристік-экологиялық экспедициясының ашылу салтанаты өткізілді. Экспедиция жасөспірімдердің жергілікті аймақты зерттеп білуі, экологиялық жағдайларға баға беру, өз туған өлкесінің патриотын тәрбиелеу мақсатында ұйымдастырылып отыр. 1 кезеңі 25 маусымда Жарсуат елді мекенінен басталып, 30 маусым күні Төңкеріс ауылында аяқталады.
Облыстық білім басқармасының жұмыс жоспарына сай 10-14 маусым күндері аралығында Менің Отаным-Қазақстан» экспедициясы шеңберінде туристік көпсайыстан облыстық «Қарлығаш» туриадасы оқушылардың туристік-спорттық шеберліктерін шыңдау, салауатты өмір салтын насихаттау, жаяу туризм техникасын дамыту мақсатында Тасқала ауданы, Тасқала ауылы, «Шұғыла» туристік лагерінде далалық жағдайда өткізілді.
10-12 маусым аралығында Орал қ. «Жастар» стадионында футболдан 2010 ж.т. қыздар арасында облыстық «Былғары доп» турнирі өтті.
Турнирге 4 команда, соның ішінде 3 аудан (Ақжайық, Бөкей Ордасы Теректі,) Орал қ. (№ 9 ЖОББМ), жалпы 38 жас футболшылар қатысты.
Турнир облыстық білім, дене шынықтыру және спорт басқармаларының, БҚО футбол қауымдастығы және БҚО әкімдігі білім басқармасының балалар мен жасөспірімдер туризмі және экология орталығының ұйымдастыруымен өткізілді.
«Еуразия» туристік-сауықтыру кешені мен «Самал» туристік лагерінің базасында жазғы маусым ресми түрде ашылды. Балалар Батыс Қазақстан облысынан және Атырау қаласынан келді. Алғашқы күні психолог балалардың бір-бірімен емін-еркін араласу мақсатында топтарға тренинг өткізді. Педагогтар, нұсқаушылар ойындар, жарыстар және робототехника бойынша мастер-класс өткізді. Нұсқаушылардың басшылығымен балалар Шалқар көліне бір күндік саяхат жасады, және екі күндік «Еуразия» -«Самал» маршруты бойынша жорыққа аттанды. Жалпы алғанда, бағдарлама балалардың көңілінен шығуда! Және оларды одан да көп нәрсе күтуде!
Орталық үйірмешілерінің қатысуымен 2019 жылдың 5-7 маусым күндері «Болашаққа бағдар: рухани жаңғыру» бағдарламасы және Білім басқармасының және Батыс Қазақстан облысының әкімдігі білім басқармасының балалар мен жасөспірімдердің туризм және экология облыстық орталығы жоспарына сәйкес облыстық «Өз өлкеңді танып біл!» туристік - өлкетанулық экспедициясы жүргізілді. Экспедицияға орталық үйірмешілері, Бәйтерек аудандық балалар мен жасөспірімдер туризмі және экология орталығының және Тасқала жас туристер станциясының оқушылары қатысты. Экспедицияға қатысушылар Шұғыла лагері жанында далалық жағдайда орналасты.
ОБЖТжЭО-ң 2019 жылғы «24» мамыр № 77 бұйрығына сәйкес, салауатты өмір салтын, жаяу туризмді насихаттау мақсатында «Самал» туристік лагерінде үйірмешілер арасында көктемгі «Қарлығаш 2019» туриадасы өткізілді. Туриадаға 4 кіші, 12 орта, 2 ересек топты қамтыған, жалпы саны 108 үйірмеші қатысты.
Оқушылар арасында велосипед туризмін дамыту, салауатты өмір салтын насихаттау, веложорыққа қатысушылардың туристік шеберліктерін жетілдіру, веложорық қауіпсіздігін арттыру мақсатында велосипед туризмі техникасынан облыстық «Күміс шабақ - 2019» жарысы Батыс Қазақстан облысы, Бөкей Ордасы ауданы, Сайхын ауылында 19-21 маусым күндері аралығында өткізіледі. Жарысқа қатысушылар облыстық жарыс шеңберінде 1-ші категориялы қиындықтағы веложорық жасайды. 1 - категориялы қиындықтағы веложорық Бөкей Ордасы ауданы, Сайхын ауылынан 2019 жылдың 21-27 маусым аралығында өткізіледі (21.06.19 ж сағат 11.00-де басталады). Жорық маршруты: Сайхын ауылы - Жаңақала ауылы. Ұзақтығы – 303 км.
Облыстық білім басқармасының 2019 жылғы 25 сәуірдегі №285 бұйрығына сәйкес, 2019 жылдың 14–17 мамыр аралығында кәсіптік, техникалық колледж оқушылары арасында жаяу туризм техникасы бойынша Республикалық «Алтын балдақ – Золотой альпеншток» жарысы өтті.
Жарысқа 8 команда (64 қатысушы) қатысты. Төрешілер алқасы Бөрлі коледжі, Сервис және жаңа технологиялар колледжі, Тасқала колледжі командаларының жоғары деңгейдегі дайындықпен келгендерін атап өтті.
1-4 маусым аралығында Орал қ. «Жастар» стадионында футболдан 2009 ж.т. қыздар арасында облыстық «Былғары доп» турнирі өтті.
Турнирге 4 команда, соның ішінде 3 аудан (Теректі,Бөкей Орда,Ақжайық), Орал қ. (№21 ЖОББМ) , жалпы 40 жас футболшылар қатысты.
Турнир облыстық білім, дене шынықтыру және спорт басқармаларының, БҚО футбол қауымдастығы және БҚО әкімдігі білім басқармасының балалар мен жасөспірімдер туризмі және экология орталығының ұйымдастыруымен өткізілді.
2019 жылдың 29-31мамыр аралығында Жастар жылы аясында «Шырқаған жастық шақ» бард әндерін орындаушылардың облыстық фестивалі өтті.
Фестивальдің мақсаты: бард әндері жанрын дамыту, авторлық әндерді насихаттау, сананың ашықтығына тәрбиелеу, оқушылардың бойында патриоттық сезімдерін қалыптастыру. Фестивальге 13 команда 78 қатысушы қатысты. Оның ішінде: 12 аудан, 1 колледж (Орал ақпараттық технологиялар колледжі). Тасқала ауданының командасы фестивальге қатыспады.
2019 жылдың 19-23 мамыр аралығында Қарағанды қаласында саябақта спорттық бағдарлаудан Қазақстан Республикасының чемпионаты өтті. Чемпионатқа Республикамыздың 8 өңірінен 190 ға жуық спортшы қатысты. Жарыс бағдарламаға сай «Командалық эстафета» (2), «Орта», «Спринт» қашықтықтарын қамтыды. Спортшылар МЖ14,МЖ16,МЖ18,МЖ20,МЖ21Е, МЖ45 жас ерекшеліктері бойынша ерлер мен әйелдер арасында сынға түсті. Облыстық балдар мен жасөспірімдер туризмі және экология орталығының қолдауымен 9 адаммен қатысты.
Оқушылар арасында «Менің Отаным Қазақстан» экспедицицясы шеңберінде туристік көпсайыстан облыстық «Қарлығаш» туриадасы жаяу туризмі техникасын дамыту, салауатты өмір салтын насихаттау, тәжірибе алмасу мақсатында, 2019 жылдың 10-14 маусым аралығында Батыс Қазақстан облысы, Тасқала ауданы, Тасқала ауылында «Шұғыла» туристік лагерінде өткізіледі.
ТК "Евразия"
ТЛ "Самал"
