Жаңалықтар

«Наурыз-татулықпен бірліктің мерекесі» атты қайырымдылық квест ойындары өтті

15 наурыз күні БҚО білім басқармасының қолдауымен облыстық балалар мен жасөспірімдер туризмі және экология орталығының ұйымдастыруымен «Самал» туристік лагерінде балалар жылына орай «Наурыз-татулықпен бірліктің мерекесі» атты қайырымдылық квест ойындары өтті. Шараның мақсаты әрбір балаға өзінің шығармашылық, интеллектуалдық және ұйымдастырушылық қабілеттерін көрсетуге мүмкіндік беру. Квест ойындарына облыстық есту және сөйлеу қабілеті бұзылған балаларға арналған мектеп-интернаты, зерде бұзылыстары бар балаларға арналған облыстық арнайы кешенді мектеп-интернаты және облыстық көру қабілеті бұзылған балаларға арналған арнаулы мектеп-интернатының оқушылары қатысты. Шара барысында командалар жетекші станциялардан алынған тапсырмаларды орындай отырып, шығармашылық, тапқырлық және эрудиция бойынша жарысқа түсті. Ойын әр баланың шығармашылық, интеллектуалдық және ұйымдастырушылық қабілеттерін көрсетуге мүмкіндік беретін бірнеше түрлі тапсырмаларды қамтыды. Атап айтқанда, балалар, арқан тарту, асық ату, кір тас көтеру, ләңгі тебуден жарысқа түсті, сонымен қатар ән айтып, би биледі. Әр бекеттерде балаларды қолдап келген мектеп психологтары қызықты тапсырмлар беріп, мерекенің шырайын ашты. " Наурыз -шашу" бекетінде балалар наурыз көжеден, ұлттық тағам бауырсақтан дәм татып, демеушілердің сый-сияпатына ие болды. Шараны ұйымдастыруға қолдау көрсеткен қаламыздағы мектеп психологтарына, зерде бұзылыстары бар балаларға арналған облыстық арнайы кешенді мектеп-интернатының педагогы Е.К.Альмухановқа , «zarina_prazdniki» мереке ұйымдастыру орталығына, «agentstvo_prazdnika_west» орталығына және балаларға тәтті сыйлықтар алуға қолдау көрсеткен демеушілерге алғысымызды білдіреміз!