26 қарашада БҚО әкімдігі білім басқармасының балалар мен жасөспірімдер туризмі және экология орталығының үйірмелерінің оқушылары Беларусь Республикасының "Зубренок" Ұлттық балалар білім беру-сауықтыру орталығының "Пионер істер жолы" ауысымының қатысушыларымен онлайн-кездесуге қатысты.
Орталықтардың тәрбиеленушілері балалар, жастар ұйымдарының және қоғамдық бірлестіктердің маңыздылығы, осы ұйымдардың көшбасшысы меңгеруі тиіс қасиеттер туралы өз ойларын білдірді. Іс-шаралар, акциялар және жобалар туралы әсерлерімен бөлісіп, жеке жетістіктері туралы айтып берді.
"Зубренок" Ұлттық балалар білім беру-сауықтыру орталығынан Р.О.Гурьев, Е.В.Пашковская, А.В.Акуленок, БҚОБЖТжЭО-наң А.Ф.Бакиджанова мен Ф.С. Сәрсенғалиев сөз сөйлеп, өз орталықтарының жұмысы және өзара ынтымақтастық жоспарлары туралы айтып берді.
Кездесу достық әнмен және естелік фотосуретпен аяқталды.
