2019 жылдың 26-29 маусым күндері «Болашаққа бағдар: рухани жаңғыру» бағдарламасы және Батыс Қазақстан облысының әкімдігі білім басқармасының балалар мен жасөспірімдердің туризм және экология облыстық орталығы жоспарына сай, республикалық «Қазақстан халықтар Ассамблеясының«Елтану» туристік-өлкетанулық экспедициясы ұйымдастырылды.
Экспедицияға орталықтың белсенді үйірмешілері: көп балалалы жанұя, толық емес отбасы, «Облыстық отбасы үлгісіндегі балалар ауылы» КММ, облыстық есту мен сөйлеу қабілеті бұзылған балаларға арналған мектеп-интернат кешенінің оқушылары қатысты. Экспедицияға қатысушылар Ақтөбе қалалық жас туристер станциясының жанындағы Өрлеу ауылындағы «Достық» лагерінде орналасты.
Экспедицияның мақсаты: жас ұрпақты азаматтыққа және патриоттыққа тәрбиелеу, өз тарихына деген мақтаныш сезімін ұялатып, өлкетану ісіне баулу, еліміздің тарихын танып білу, рухани-мәдени мұраларды сақтау және көпшілік мектеп туризмін дамыту.
Жоспарлы бағдарламаға сәйкес, Ақтөбе қаласының тарихымен таныса отырып, Кеңес одағының батыры Ә. Молдағұлова атындағы облыстық мемориалды музейіне, қалалық тарихи –өлкетану музейіне және Ақтөбе жоғары медициналық колледжінде орналасқан Кеңес одағының батыры М. Маметова арналған музейге экскурсия ұйымдастырылды. Қала бойынша Әбілхайыр хан және Әлия Молдағулова ескерткіштеріне, Тұңғыш президент алаңы және Жеңіс алаңымен танысып, тағзым етіп гүл шоқтары қойылды.
«Достық» лагерінің демалушылары Батыс Қазақстандық өрендерге арнап, мерекелік шара, флеш-моб ұйымдастырды. Шараға 150-ден астам демалушылар қатысты. Сонымен қатар Ақтөбе қалалық жас туристер станциясының қызметкерлерлерімен кездесу өткізіп, экспедицияны ұйымдастырушыларына орталық атынан алғысымызды білдірдік.
Оқушылар екі күндік экспедиция барысында Ақтөбе қаласының тарихымен, табиғи және мәдени ескерткіштерімен толық танысты. Үйірме оқушылары экспедицияның арнайы тапсырмалары бойынша жұмыстанып, жинақтаған материалдарын алдағы уақытта өткізілетін конференцияларда, байқауларда пайданылады. Экспедиция қатысу арқылы жасөспірімдер рухани-мәдени жағынан толығып, еліміздің тарихымен танысып, білімдерін толықтырып болашақ мамандық таңдауына жол ашқаны сөзсіз.
