2019 жылдың 28 маусым мен 8 шілде аралығында Облыстық білім басқармасының қолдауымен Батыс Қазақстан облысының әкімдігі білім басқармасының балалар мен жасөспірімдер туризмі және экология облыстық орталығының «Самал» туристік лагері базасында «Жігер» әскери-патриоттық ауысымы өткізілді.
Ең басты мақсаты: өмірлік ұстанымы белсенді, жігерлі азаматтарды тәрбиелеу, жасөспірімдер арасында қылмыстың алдын алу, суицидті болдыртпау және салауатты өмір салтын насихаттау, әскери-патриоттық тәрбие беру арқылы қазақстандық патриотизмге тәрбиелеу.
«Жігер» әскери-патриоттық лагерінің қатысушылары 16 -18 жастағы Батыс Қазақстан облысының техникалық және кәсіптік білім ұйымдарының оқушылары.
Бағдарламаға: әскери-қолданбалы өнер бойынша шаралар, суда құтқару қызметінің, облыстық Ауған ардагерлер одағы өкілдерімен кездесу, жаяу туризм техникасының туристік дағдыларын игеру, екі күндік жорық, Шалқар көліне бару, қала бойынша шолу экскурсия, музейлерге бару, интеллектуальдық- танымдық шаралар, спорттық – көпшілік шаралар, жабдықталған жағажайда суға шомылу кіреді. Асханада сапалы 5 рет тамақтану ұйымдастырылады, медициналық және психологиялық бақылау жүзеге асырылады.
Осы маусымды Орал қаласының техникалық және кәсіптік білім беру ұйымдарының алғашқы әскери дайындық пәнінің окытушылары және облыстық балалар мен жасөспірімдер туризмі және экология орталығының педагогикалық құрамы өткізеді.
