2019 жылдың 12-18 шілде күндері аралығында Бөрлі ауданы Бумакөл ауылында спорттық бағдарлаудан "Бағдар 2019" шатырлы лагері және БҚО ашық кубогі далалық жағдайда өтті. Шараға 8 команда 87 спортшымен қатысты. Спортшылар 12, 14, 16, +21 жас ерекшеліатері бойынша ұлдар мен қыздар арасында 5 күн бойы сыңға түсіп өзара мықтыларды анықтады.
Жарыстың негізгі мақсаттары салауатты өмір салтын насихаттау, спортшылар мен төрешілердің біліктілігін арттыру, Республикалық жарыстарға қатысатын облыс құрамасын анықтау, осы спорт түріне жас спортшыларды тарту болып табылады. Жарыс қорытындысы негізінде өз жас ерекшеліктері бойынша жеңіске жеткен спортшылар ОБЖТжәнеЭО-ның медальдарымен, Облыстық дене шынықтыру және спорт басқармасының медальдары және кубоктарымен марапатталды. Кубок бойынша жалпы командалық есепте Бәйтерек ауданы 1орын, Теректі ауданы 2 орын, Бөрлі ауданы 3 орын иемденді.
