Облыстық білім басқармасының жоспарына сәйкес Батыс Қазақстан облысы дене шынықтыру және спорт басқармасының қолдауымен 2020 жылдың 08 ақпан 18 наурыз аралығында, облыстық балалар мен жасөспірімдер туризм және экология орталығы колледж оқушылары Спартакиадасының облыстық кезеңін өткізеді.
Жарыстың мақсаты: жастарды дене шынықтыру және спортпен тұрақты түрде айналысуға қызықтыру, тәрбие жұмысын күшейту және салауатты өмір салтын насихаттау.
8-9 ақпанында Ғұмар Қараш 16 мекен-жайындағы үстел теннисі спорт залының базасында Спартакиаданың үстел теннисі бойынша жарысы ұйымдастырылады.
Колледж оқушылары арасындағы Спартакиаданың облыстық кезеңі спорттың 10 түрі бойынша өткізіледі: үстел теннисі, қазақ күресі, тоғызқұмалақ, асық, бес асық, шаңғы жарысы, қысқы спорттық бағдарлау, президенттік көпсайыс, волейбол, баскетбол және футзал. Жарысқа облысымыздың кәсіптік және техникалық білім беретін барлық 36 колледжі қатысады деп күтілуде.
